Sou hot olls augfaungan

Schua va 15 Joha hot da Krottmeier Rudolf, da

Inhoba van Buschenschounk, sein eiganen Weigoatn auglegt. Dea Befind si aufm nohgeleganen Raisachberg ba Glojach, ana idyllischn Regioun vulla Rua und Natua. Noch da easchtn Ernt va seini natirlichn Traubn, hot si da Rudolf di Frog gstöll, wos hiaz mit'm sölba hergstölltn Wei gschechan sullt: Verkauf oda an eiganen Buschenschounk? Zletzt hot a si entschloussn, seine Wei, Weißburgunder und Zweigelt, sölba seine zukünfitgen Gäst auzbietn.

Sei Karrier ols Gschäftsfiahra hot auf ana klanan Terrassn augfaung, auf der's schua a gmiatlichs Zsoummantreffn mit Sturm, Kastanien und Woazschöln geibn hot. Do bold is im Joha 2000 a gmiatlicha und kulinarischa Buschenschounk draus wurn. Deis hot duach seini hülfsbereitn Freind, Verwoundtn, Nochban und Bekounntn ermeiglicht werdn kinnan.

Zeihn Joha speita is ba Sunnanschei und harmonischa Atmosphär a großas Jubiläumsfeist gfulg, ba dem zohlreiche Gäist mit ins gemeinsam gfeiat hobm. A bsondas Highlight woa die Auwesnheit vou di Tratorfreind, dei mit ihare Oldtimer keiman san und großi Aufmerksamkeit erregt houm. Dabei hobn die Bsuacha die neig gestoltetn Speis- und Visitnkoatn, Reservierungskartln, Köllnerbleick, Weietikettnan und Gutschein eastmolig begutochtn kennan. Natirli is insa Jubiläum musikalisch umrauhmt gweisn und fia insa kluane Generatioun hots a Hupfbuag geibn.

Waunn S' nou meha Büldln va insam Feist seign meichtn, kinnans des ba insara Fotogalerie mochn oda ihr schnuppats in unsren klanen zaumanfossendn Fülm eini.