Rund um an Wei

Weingoatn

Da Weingoatn va da Famülie Krottmeier is aufm 6 Kilometer entferntn Raisachberg ba Glojach und is 1995 vam Buschenschaunkinhoba Rudolf Krottmeier aunglegt wordn.

Nochdem da Weingoatn vor 15 Joa baut worden is, hot er sie die Frog gstöllt, wos mit'm Wei gschechan sullt. Noch launga Übalegung hot si da Rudi entschlossn an Buschenschaunk aufzmochn, wo die eiganen Weisortn hättn vakaft werdn sulln. Bis heit hot si nix draun gändat ...

Traubnlese

Ba da Traubnlese, dei meistns im Septemba stottfind, werdn die reifn Traubn va Haund obgschnittn. Dabei versaummln si jeds Joa a poa insara Nochboarn, Freind, Bekauntn und Verwaundtn, wals' ins ba da Lese hölfn wulln.

Daunkschia fia die Intastitzung!

Unsa Weisortiment

Mia bietn Eahna unta aundam an Weißburgunda und an Zweigelt au, dei aus eigna Lese san:

Weißburgunda

Hoaßt a:	Klevner, Pinot blanc, Weißa Buagunda
Ausschaun:	Ols Jungwein hot er a zoatgölbe Foab und mit zuanehmender Reife kriag er a kräftigs Gölb.
Gschmock:	Klianari Joargäng bringan leicht trinkbori, zorti Weine ausi, oba in gutae Joa hochwertigi, hamonische Weine, dei vull und müld im Gschmockan san.
Gruchan:	In gute Joa und ba längara Logarung riacht da Weißburgunda noch Brotrindn, hot an nussign Ton. Sista hot er ka ausprägts Sortnbukett (= Duftnoutn va an Wein).
Essnsbegleita:	Eierspeis, Schweinefleisch, Krustn- und Scholnviecha
Logafähigkeit:	Je noch Joagang und Reife kau da Weißburganda 2 bis 4 Joa glogert werdn.
Trinktemparatua:	10 bis 12° C

Zweigelt

Hoaßt a:	Blauer Zweigelt, Rotburger
Ausschaun:	Da Zweigelt hot a kräftigs Robinrout mit an violettn Schimma und ba hoacha Reife is er holwegs dunklrout.
Gschmock:	Er hot an fruchtig bis saumtig, extraktreichn Gschmockan mit mittlarem Tanningeholt (Tannin = pflaunzlicha Gerbstouff)
Gruchan:	Da Zweigelt kau no verschiedani Beanfrücht oda Kirschn riachan.
Essnsbegleita:	Dunkls Fleisch, Brettljausn, Wüldgrichte
Logafähigkeit:	2 bis 4 Joa
Trinktemparatua:	14 bis 16° C